#EGYPT الملازم أول محمد وديع يحكى عن تفاصيل قضيته الاولى بتاريخ ٢١/١١/٢٠١٠

Posted: February 20, 2012 in The State of Tawfiq, ضباط 8 أبريل

• فى شهر ٩/٢٠١٠ كنت فى احد النبطشيات مع النقيب رامى نصر والرائد منصور عامر فى الوحده ٩٩٩ قتال وكنا بنتكلم فى احوال الجيش والفساد المتفشي
• قعدت فى ميس الضباط بالوحده ومسكت ورقه وقلم وبدأت تأليف اغنيه من شدة غضبى واستيائى دخل منصور قاللى انت لحقت بدأت
• خلصت كتابه وكنا قاعدين فى الملعب النجيله فى الوحده وبنتفرج على افلام على اللاب بتاع الرائد منصور
• قرأت الكلمات على منصور ورامى منصور قاللى يخرب بيتك قطع الورقه دى لحسن تروح فى داهيه قلتله هادخل اسجلها بلحن ارتجال فى غرفة منوب العمليات
• غرفة المنوب فيها صدى صوت دخل معايا رامى نصر وكان ماسيكلى الموبايل وانا باسجل الاغنيه وخلصتها
• وسمعتهلهم عجتهم جدا لكن خافوا عليا جدا جدا لأنها بتهين المشير والقاده وبتتهمهم بالخيانه والسرقه والفساد بشكل مستتر
• رامى كان بياخد فرقة قادة سرايا وكان معانا ملازم اول مصطفى عبد الهادى كان بياخد فرقه فى معهد اللغات وجايين نبطشيه وماشيين
• اديتهالهم وطلبت منهم ينشروها وسط الضباط فى المعاهد دى رامى ما نشرهاش مصطفى اداها لزملائه من فرقة سيل ٥ اللى كنت معلم عليهم
• مشرف الفرقه الرائد وليد نبيل من الوحده ٧٧٧ قتال بلغ عنى الرائد عمرو تميم فى امن قيادة وحدات الصاعقه
• الرائد عمرو تميم سأل الرائد هشام متولى ضابط امن الوحده ٩٩٩ قتال وقاله ايه موضوع الاغنيه ده ؟
• جه الرائد عمرو تميم للعميد محمد البهنساوى قائد الوحده وسأله عنى قاله ظابط سوبر وعشره على عشره ومحترم وملتزم
• لكن عمرو كان لازم يبلغ بلغ اللواء سامى سعد زغلول وكان رئيس اركان وحدات الصاعقه وبلغ المجموعه ٧٥ مخابرات حربيه الاشبه بمباحث امن الدوله
• فى الوقت ده كنت فى معسكر تدريبى فى وادى الدوم بعد بورتو سخنه بكيلو متر وهو عباره عن شاليهين على البحر ومنطقه جباليه للتدريب
• يوم وقفة عرفات كنا كلنا صايمين وعدا عليا رائد طيار اسمه يحيى اسماعيل وزوجته ودخلته يفطر عندنا فى المعسكر بدال مايقف يأكل على الطريق الخطر
• واستغرق حوالى نصف ساعه ورحل وقائد الوحده زعل رغم ان الاطفال بييجو يضربوا نار بسلاحنا واولاده بيركبوا موتوسيكلات الوحده عادى
• وابن قائد وحدات الصاعقه بيجيب اصحابه ويقعده عدة ايام برده عادى لكن رائد يدخل يفطر من الصيام ويرحل ازاى عيب ودى تيجى
• كل ده والاغنيه قاعده تنتشر فى الجيش والمخابرات متبلغه وانا ولا دريان بحاجه
• رجعت الوحده فى القاهره ويوم ٢١/١١/٢٠١٠ جالى استدعاء من المخابرات الحربيه المجموعه ٧٥
• روحت لابس البدله الميرى ودخلت تحقيق لمدة ١٢ يوم واهلى مايعرفوش انا فين ولا فى ايه
• ومحور الكلام انت بتألف اغانى والاغنيه الاخيره وتقصد مين بالقرد وتعرف ايه عن الجنيهات الذهب ليك اكاونت على الفيس بوك وده استمر ١١ يوم
• وفى اليوم ال١٢ قالولى انت ليك علاقه ببنت مغربيه قلتلهم لأ اسرتى ليها علاقه بأسره مغربيه اتعرفوا على بعض فى العمره
• طيب احنا خايفين ليكونوا مزقوقين عليك قلتلم لو كده بالجزمه ولا يفرقوا معايا
• قالولى ولو مش كده هاتتجاوزها قلتلهم ان عارف طبعا انه ما ينفعش قالولى طيب ليه اخدتها معاك فرح ظابط صاعقه اسمه احمد نبيل
• قلتلهم افراحهم مختلفه وكانوا عايزين يحضروا فرح مصري وجابوا شخص مخابرات عامه وشخص امن دوله وقالولى بكره هانقولك حكايتهم يمين او شمال
• تانى يوم جالى عقيد اسمه هشام اللى الناس طلعو تمام مافيش من ناحيتهم مشاكل واتقفل الموضوع وفتحه الاغنيه تانى
• وجالى تانى قاللى انت عندك اكاونت على الفيس وبتنشر فيديوهات ضد النظام قلتله دى مجرد اغانى قاللى القياده متخوفه جدا ولقيت نفسى فالنيابه
• وعرفت من اسلوب وكيل النيابه ان المطلوب انى اتحاك وفورا ليه مش مهم ولقيت ثلاث تهم مالهمش علاقه ببعض
• وفى ٤٨ ساعه كنت واخد سنه سجن والتهمه صور بزى عسكرى على الفيس بوك دخول مدنيين المعسكر زوجة رائد طيار يحيى اسماعيل والسلوك المضر
• دخلت السجن ١/١٢/٢٠١٠ قلفت اغنيه تانيه اسمها الابطال متهانه وصلتنى رساله من المخابرات بشكل او بأخر انت محبوس علشان اغنيه تعمل واحد تانيه ؟
• وكان مضمون الرساله لم لسانك وبطل تأليف لو عايز تخرج من السجن وفعلا بقيت اقلف لكن ما اوريش لحد وما انشرش وخرجت بعد اربع شهور فقط
• ولما خرجت قابلت قائد كبير قاللى لو عايز ترجع الصاعقه نرجعك ولو عايز تروح اى مكان نوديك كنت مكسور ومتهان اوى وقلتله عايز اسيب الجيش
• كان تاريخ خروجى ١٢/٣/٢٠١١ وكنت بانزل كل يوم تقريبا التحرير بعد الشغل
• حضرت ندوه فى نقابة الصحفيين عن الفريق سعد الشاذلى واجتماع فى مركز هشام مبارك عن التعذيب داخل السجون الحربيه كانت بترأسه منى سيف
• وقابلت عبد الرحمن سمير من ائتلاف شباب الثوره وكنت بحاول اساعد بأى شكل الا انى كظابط جيش كان بيخلى الناس تشك فيا
• ولإنى متابع جدا كل يومين يجيبنى قائد ويقولى انت عايز ايه وايه فى دماغك ويهدينى ويقولى المشير ماعملش اعتبار للاغنيه وخرجك لازم تقدر ده
• واللى لو عايز تقدم استقالتك قدمها واضمنلك انها تتقبل ومش هاتدفع تكاليف الدراسه
• لحد ما جت الدعوات لنزول الضباط يوم ٨ ابريل ونزلت مع زملائى ودى كل حاجه عن قضيتى الاولى وعدا ذلك كذب وتشويه وفتاوى زائفه

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s